💕New【新開粉色系cafe！】無麩質 · 生酮 · 純素 主食+蛋糕+飲品！
-
INFINITI C位於上環Nan Fung Place嘅新分店正式開幕！順帶一提仲帶NFP一樓嘅麻糬節市集，喺中上環返工嘅你有福喇！佢地一如既往主打無麩質 · 生酮 · 純素蛋糕+食品+飲品～啱晒想健康啲同keep fit低又為食嘅你，連平時有食物敏感嘅你都可以放心享用美食！新店全間都係粉紅粉系色調，完全少女心爆發，個個位置都好啱打卡！
-
呢度有生酮Pizza、生酮三文治、生酮飯等等，素食着話就有《植物肉醬無麩質意粉 $98》 唔講唔知道佢係一個素食嚟，植物肉醬無麩質意粉同我哋平時食開嘅肉醬無咩分別～仲用咗好靚嘅食用花裝飾，好靚呀！
-
好有驚喜嘅《Hojicha Strawberry Keto Cake $88》比坊間嘅焙茶cake水準更高，好難想像個蛋糕係無用麵粉同無糖，蛋糕偏濕潤同有彈性！最正係焙茶味cream好濃郁又綿密，中間仲暗藏士多啤梨jam，好正🤤！
-
《四國血橙紅茶蛋糕 $72/件》呢件係新店限定，用咗日本四國血橙同斯里蘭卡鍚蘭紅茶整，花果香夠突出夠fresh，口感鬆軟，食哂全件都完全唔膩。
-
新店限定仲有好健康嘅發酵紅茶菌飲品系列有《Kombucha Mojito $78》呢個Keto嘅Detox special drink，茉莉綠茶配大量薄荷同青檸汁，飲落酸酸甜甜極fresh！
-
INFINITI C @infiniti__c
地址：中環干諾道中88號南豐大廈地下G03舖
Search